Besti flokkurinn er hissa á því að Vinstri Grænum í borgarstjórn skuli finnast eðlilegt að stela kosningaloforðum flokksins. Vissulega er ánægjulegt að atvinnulausir skuli nú geta farið ókeypis í sund. En okkur er spurn, hvað gera atvinnulausir sem eiga ekki handklæði? Verður hlutskipti þeirra að bíða holdvotir eftir stopulum strætó eftir ókeypis sundferð? Munu atvinnulausir hrynja niður úr ofkælingu, lungnabólgu og tæringu. Og það í boði VG og núverandi meirihluta?

Besti flokkurinn vill ókeypis í sund fyrir alla, og ókeypis handklæði svo allir komist þurrir og lifandi heim til fjölskyldunnar sinnar.

Frétt mbl.is um nýlega samþykkt í boði VG